KVEITEKLEPPEN TIL "JAN-LARS"

Dene store kleppen har funnast i Milnaustet så lenge eg kan minnast. Då naustet vart rive på grunn av orkanskadane i 1992, vart kleppen flytta til stabburet vårt på Milhaugen.

I skaftet på kveitekleppen er innskore :

"LJSL - år 1900" ( LarsJanSonLesto)

Jula 1994 tok vi kleppen inn i stova. Den fekk plass på mursteinsveggen ved peisen, saman med ausekaret til Mattis.

Eg nemnde dette til onkel Arthur, som fortalde denne historia:

Jan-Lars budde på "JanHauen".(MariusHauen).

Namnet hans var Lars, son til Jan., og kalla Jan-Lars.

Den arme mannen måtte prøve mykje her i livet. På sine gamle dagar vart Jan-Lars "galen". Det var heller ikkje så rart. I fyrste ekteskapet fødde kona, Marie Dorthea Olsdtr. Eide, 6 born som dei mista fleire av:

I 1891 døde dattera Lovise Christine av hj.hinnebet. 6 mdr.gml.

I 1892 " " Lovise - same dagen ho var fødd

I 1892 " eit ufødt barn i mors liv (tvilling med Lovise)

I 1892 " kona Marie under denne tvillingfødselen.

I 1903 " dattera Anna 15 år gamal.

Dødsfalla gjekk hardt inn på Jan-Lars. Men kort tid etter at kona døde i 1892, gifta han seg likevel opp att med systera hennar - Christiane Pernille Olsdtr. Eide. Dei fekk 3 born:

Marius - som overtok garden

Marie - gift Almklov og mor til Ingvald.

Lovise Kristine - ugift og budde i Oslo.

Jan-Lars vart "utilrekneleg" då han vart gamal. Arthur minnest at farlege reidskap vart gøymd bort for Jan-Lars. Familien ville på denne måten hindre han i å gjere skade på folk.

Arthur meiner sikkert at dette kan vere årsaka til at kveitekleppen hamna i nabonaustset.

Vi er i slekt med Jan-Lars. Syster hans, Johanne Bertine Jansdatter, er mi oldemor. Gift med Lars Listau - min oldefar. Dei fekk 10 born som alle voks opp og nådde høg alder.

Leif Lesto

Jula 1994

Ausekaret til Mattis med initialane MASL:

MattisAnderSonLesto